နွေရာသီရဲ့ နေအပူဒဏ်ကို အံတုပြီး ကျန်းမာလှပနိုင်ဖို့ဆိုတာ ပျိုမေတိုင်းအတွက် အရေးကြီးပါတယ်။
ပူပြင်းတဲ့ရာသီဉတုကို ကူးပြောင်းနေတဲ့အချိန်မှာ ကျန်းမာလှပနေဖို့က အရမ်းတော့ လွယ်ကူတဲ့အရာမဟုတ်ပေမဲ့ နွေရာသီမှာလဲ လှပသွက်လက်နေတဲ့ ပျိုမေလေးဖြစ်ဖို့ ဒီအချက်တွေကို လိုက်နာဖို့လိုအပ်ပါတယ်။
ရေဓာတ်ဖြည့်တင်းပါ
- နွေရာသီမှာ အသားအရည်ကြည်လင်စိုပြေနေစေဖို့ ရေဓာတ်ကိုမလျော့ကျအောင် ဂရုစိုက်သင့်ပါတယ်။ တစ်နေ့ကို အနည်းဆုံး ရေ (2) လီတာသောက်ပါ။
လတ်ဆတ်တဲ့သစ်သီးဝလံများစားသုံးပါ
- နွေရာသီမှာ ရေဓာတ်ပြည့်ဝပြီး လှပနေဖို့ ဗီတာမင်ကြွယ်ဝပြီး အရည်ရွှမ်းတဲ့ အသီးတွေကို စားသုံးပေးသင့်ပါတယ်။
နေလောင်ကာခရင်မ်ကို ဂရုစိုက်လိမ်းပါ
- အသားအရည်ကို နေရောင်ကြောင့်ထိခိုက်မှုမဖြစ်စေဖို့ Suncream ကို SPF 30+ အသုံးပြုပြီး 2 နာရီခြားတခါ ဂရုစိုက်လိမ်းပေးပါ။
ဆံသားကိုဂရုစိုက်ပါ
- နွေရာသီမှာ ဆံသားခြောက်တာကိုသက်သာစေဖို့ Haircare ကို ဂရုစိုက်ပါ။ Hair oil/ Serum တို့ကိုသုံးပေးပါ။
အရေပြားကိုဂရုစိုက်ပါ
အသားအရည်က နေပူဒဏ်နဲ့မတည့်တာမျိုးဖြစ်တတ်ရင် ဆရာဝန်တွေနဲ့ သေချာပြသပြီး ကုသမှုခံယူသင့်ပါတယ်။
နွေရာသီရဲ့ နေအပူဒဏ်ကိုအံတုပြီး ကျန်းမာပျော်ရွှင်တဲ့ ပျိုမေလေးဖြစ်ဖို့ အပြင်သွားတိုင်း ထီး၊ရေဘူး၊မျက်မှန် တို့ကို မဖြစ်မနေယူဆောင်သွားဖို့မမေ့ပါနဲ့နော် ။
